Н.И. Протопопова аатынан оҕо айар - тобулар дьоҕурун сайыннарар "Кэскил" киин
"Репортер" медиакиин
Оҕо оҕону истэр
"Күн" түмсүү хамсааһына Бүлүүгэ
Сэтинньи 15 күнүгэр Бүлүүтээҕи И.М. Гоголев-Кындыл аатынан библэтиэкэтигэр «Күн» оҕо түмсүү улуус оҕолорун кытта көрсүһүү буолла. Тэрээһиҥҥэ Бүлүү улууһуттан 120 оҕо муһунна. Тэрээһин сыала –соруга: улууска төрөөбүт тылбытын өрө тутар үлэни оҕолорго күүһүрдэн, ону иилиир «Күн» хамсааһынын тэрийии. Бүлүүтээҕи эдэр ыччат библэтиэкэтигэр сарсыардаттан «Күндүмэн» түмсүү оҕолоро ыалдьыттары алгыстаах алаадьыннан айах тутан көрүстүлэр. Көрсүһүү Тамара Фомина алгыһынан саҕаланна.
Оҕолору Бүлүү куоратын главата Ян Анатольевич Попов, Бүлүү үөрэҕэриитин салайааччыта Наталья Михайловна Семенова эҕэрдэлээтилэр. Наталья Михайловна бэйэтин этиитигэр төрөөбүт тылы харыстыыр бириэмэ кэлбитин уонна хамсааһын суолтата олус улаханын туһунан тоһоҕолоон бэлиэтээтэ уонна «Саха тыла сайдыан баҕарабын, саха тыла сайдыа диэн эрэнэбин» Платон Ойуунускай тылларынан түмүктээтэ.
«Күн» түмсүү оҕолоро, өрөспүбүлүкэтээҕи лицей-интернат үөрэнээччилэрэ, түмсүү хайдах тэриллибитин кэпсээтилэр. Түмсуу Амма, Нам, Мэҥэ - Хаҥалас, Таатта, Чурапчы, Уус - Алдан, Горнай, Хаҥалас, Үөһээ - Бүлүү улуустарыгар сылдьыбыттар. Бүлүү улууһун кэнниттэн Ньурбаҕа уонна Сунтаарга бараллар эбит. Бу курдук бүтүн өрөспүүбүлүкэ үрдүнэн хамсааһын ыыталлара былааннаммыт.
Киһи үөрүөн иһин салайааччылара Степан Васильевич Сафонов уонна үгүс оҕолоро Бүлүүттэн төрүттээх эбиттэр. Үөрүүлээх аһыллыы кэнниттэн оҕо бырайыак үлэтэ саҕаланна.
Киһи үөрүөн иһин салайааччылара Степан Васильевич Сафонов уонна үгүс оҕолоро Бүлүүттэн төрүттээх эбиттэр. Үөрүүлээх аһыллыы кэнниттэн оҕо бырайыак үлэтэ саҕаланна.
Кэлбит оҕолору барыларын буккуйа, 10 -11 оҕолордоох хамаандалары тэрийдилэр. Уопсайа барыта 9 хамаанда буолла. Хас биирдии хамаанда төрөөбүт тылы өрө тутарга, сайыннарарга бырайыактары оҥорорго сыал – сорук ыллылар. Бу үлэ күн устата буолла.
Биһиги кэрэспэндьиэннэрбит тэрээһиҥҥэ кытта сылдьар оҕолору кытта кэпсэттилэр.
Кэпсэтиини ыытта Эмильян Данилов
Оҕолор үлэлиир кэмнэригэр салайааччыларга, саха тылын сайдарын сэҥээрээччи дьон кыттыылаах төгүрүк остуол буолла.
Сыала:
- Улууска төрөөбүт тылбытын өрө тутар үлэни оҕолорго күүһүрдэн, ону иилиир “Күн” хамсааһынын тэрийии.
Соруктара:
- Улууска “Күн” хамсааһынын тэрийии;
- Оскуола аайы “Күн” хамсааһыннарын үөскэтии;
- Төрөөбүт тыл сайдарыгар үлэ хайысхатын булуу, тобулуу.
Сыала:
- Улууска төрөөбүт тылбытын өрө тутар үлэни оҕолорго күүһүрдэн, ону иилиир “Күн” хамсааһынын тэрийии.
Соруктара:
- Улууска “Күн” хамсааһынын тэрийии;
- Оскуола аайы “Күн” хамсааһыннарын үөскэтии;
- Төрөөбүт тыл сайдарыгар үлэ хайысхатын булуу, тобулуу.
Төгүрүк остуол үлэтин түмүгүнэн ылыныллыбыт резолюция
1. “Тылбытын байытабыт” истиэндэ барылын оҥоруу;
2. Төрөппүккэ куйаар ситиминэн көмө оҥоруу;
3. Улуус оскуолатын оҕолоругар, оскуолаҕа кэтэр таҥастарыгар, биир тэҥ сахалыы оһуор-бэлиэ бигэргэтэн киллэрии.
4. Аан күҥҥэ (бэнидиэнньиккэ) тэрилтэ барыта сахалыы эйгэни тэрийиитэ
5. Сэлэспэҕэ (телефоҥҥа) сахалыы ширииби туруоруналларын ирдээһин.
6. “Олох суола” редакцияҕа анал балаһаны ыйга биирдэ киллэрии.
7. Төрөөбүт тылыгар үрдүк ситиһиилээх оҕоҕо “Ийэ тыл кэскилэ” анал стипендия олохтооһун;
8. “Күн” түмсүү оҕолоро оскуола, улуус, өрөспүүбүлүкэ иһинэн уопут атастаһыыларын, көрсүһүүлэрин тэрийии.
9. “Төрүт дьарык” – эбээ, эһээ үөрэҕин туһаныы.
10. Сайыҥҥы лааҕырдарга сахалыы эйгэни киллэрии.
1. “Тылбытын байытабыт” истиэндэ барылын оҥоруу;
2. Төрөппүккэ куйаар ситиминэн көмө оҥоруу;
3. Улуус оскуолатын оҕолоругар, оскуолаҕа кэтэр таҥастарыгар, биир тэҥ сахалыы оһуор-бэлиэ бигэргэтэн киллэрии.
4. Аан күҥҥэ (бэнидиэнньиккэ) тэрилтэ барыта сахалыы эйгэни тэрийиитэ
5. Сэлэспэҕэ (телефоҥҥа) сахалыы ширииби туруоруналларын ирдээһин.
6. “Олох суола” редакцияҕа анал балаһаны ыйга биирдэ киллэрии.
7. Төрөөбүт тылыгар үрдүк ситиһиилээх оҕоҕо “Ийэ тыл кэскилэ” анал стипендия олохтооһун;
8. “Күн” түмсүү оҕолоро оскуола, улуус, өрөспүүбүлүкэ иһинэн уопут атастаһыыларын, көрсүһүүлэрин тэрийии.
9. “Төрүт дьарык” – эбээ, эһээ үөрэҕин туһаныы.
10. Сайыҥҥы лааҕырдарга сахалыы эйгэни киллэрии.
Тэрээһин түмүгэр хамаандалар бэйэлэрин бырайыактарын көмүскээтилэр. Хас биирдии хамаанда олус интириэһинэй үлэлэри көрдөрдүлэр. Холобура, « Дьулуур» диэн хамаанда бырайыагар «Төгүрүк остуол: Биллиилээх ааптардар тустарынан». Маннык тэрээһиннэри нэдиэлэҕэ биирдэ - иккитэ киллэриэххэ наада дииллэр. Оҕолор мустан араас сахалыы кинигэлэри ырытыахха уонна киинэлэри игин көрдөрүөххэ наада дииллэр. Оҕо оҕону истэн үтүктэн көрүөхтэрэ диэн эбит.
Ыытыллыбыт үлэ түмүгүнэн күн устата чаҕылхайдык кыттыбыт оҕолору “Күн” түмсүү бэйэлэрин хамаандаларыгар ылаллар уонна улуус хас биирдии оскуолатыгар бу үлэни ыытарга сыһыаннаах оҕону талан ылан аныыллар эбит.
Ыытыллыбыт үлэ түмүгүнэн күн устата чаҕылхайдык кыттыбыт оҕолору “Күн” түмсүү бэйэлэрин хамаандаларыгар ылаллар уонна улуус хас биирдии оскуолатыгар бу үлэни ыытарга сыһыаннаах оҕону талан ылан аныыллар эбит.
Тэрээһин хайдах ааспытын бу видеороликка көрүҥ
Пресс - сулууспа үлэтин ыыттылар: Джулианна Дорофеева, Дайаана Николаева, Милана Каратаева, Эмильян Данилов, Алексей Софронов.
Салайааччылар Кыдана Дорофеева, Дайаана Варварикова.
Салайааччылар Кыдана Дорофеева, Дайаана Варварикова.
Биһиги ситиммит:
8 41132 43547
moydodkeskil@mail.ru
moydodkeskil@mail.ru
Мира уулусса,
Бүлүү к.
Бүлүү к.
